Kurutzeko Pauloren intuizinoa eta esperientzia sakona “kideak batzearen” desioan adierazoten da, Jesus kurutzeratuaren MEMORIA iraunkorra egiteko. Izen desbardinak erabiliz, baina POBREZIA eta BAKARDADEA kontzeptuetan oinarritzen da sortze esperientzia biziteko, familia erlijiosoa martxan jarteko. Hemen bizi mota horren sustraiak aurkituko dozuz, gaur egungo Pasiotarren eraketa eta sorrera irizpideetan azaltzen danez. Familia horren gakoak dira. [ >>> ]

Mistiko handiak, —eta Kurutzeko Paulo horreetarikoa izan zan—-, baliabide guztiak erabilten dabez euren ESPERIENTZIA OSOA adierazoteko, eta esperientzia horrek barren-barrenetik bere bizitza, bere biziteko erea, bere intuizinoa eta helburuak ezarriko ditu. Hemen, labur-labur, Kurutzeko Paulok horrenbeste maite eban Pasiotarren familiari eta Eleizeari itzi eutsana ikusi, “ikutu” eta sumatu daikegu.

Hementxe batzen dira intuizino eta sormen gaitasun handia eukan ekimen handiko gizon honen dokumentu grafikoak. Hemen dagoz egoera hain nahasian bizi eta sortu ebazan zeinu batzuk. Hori bai, gaur egun “errealitate” horreek eraldatuta eta barriztatuta agiri dira.      [ >>> ]