BIDE baten historia

Historia hau xumea besteko ederra da, 1879ko Hausterre egunean hasi zan, gure Euskal Herriko txoko baten.

Lehenengo Pasiotarrak “hotz, edur eta haize” indartsuak astindutako egun baten heldu ziran Bilbora.

Maitasun gar biziak ekarri zituan gizonok Bizkaiko kostaldera, bertoko kultura eta nortasun berezietan errotzeko asmoz.

Amadeo, Mauricio, Bernardo, Bartolome eta Bernardo... gogo beroz eta adorez jo eben lanera, eta Jesus Kurutzeratuaren maitasun hazia erein eben gure lur honetan.

Deustu-Bilbo izan zan Familia honen eta bere presentziaren kokalekua. 1880. urtean emon jakon hasierea lehenengo Pasiotar Alkarteari.

Bai azkar eta sendo zabaldu ere, gero:
1882. urtean, Peñafielen (Valladolid);
1885. urtean, Angoston (Araba);
1885. urtean, Mondoñedon (Lugo);
1887. urtean, Peñaranda de Dueron (Burgos);
eta 1887. urte berberean, Erlijioso Probintzia lez eratzera heldu zan.

Bere izena: Jesusen BIHOTZ SAKRATUA.

XX. mendearen hasierarako, Probintzia 11 komentuk eta egoitza bik osotzen eben, euretariko batzuk Amerikan. Misinogintzan bere esku-hartzea hainbestean gehitu zan Peru aldean (1913tik), Kolonbian eta Kariben be oinarriak ezarriz.

Peruko Amazonas aldean burututako misinogintza historia honetako atalik gogoangarriena da; lurralde hauxe zalako behartsuena eta atzeratuena, bai giza mailan eta bai ekonomia mailan.

1905. urtean, Probintzia hau zatikatu egin zen, Familia Sakratua sortuz; gaur egun, Zaragozan dago bere egoitza nagusia.

Eta 1913. urtean, beste Probintzia bat jaio zan: Odol Txit Baliotsuaren Probintzia. Bere egoitza nagusia Madrilen dago.

Bihotz Sakratuaren Probintzia behin betirako zabaltzen eta finkatzen da Euskal Herrian, Galizian, Perun, Kolonbian, Puerto Ricon eta Dominikar Errepublikan, 380 erlijiosoz osotuta. Mila bederatziehun eta hirurogeiko hamarkadea zan.

Azken 25 urteotan, bere gorabehera eta guzti, ALDAKETAK egin beharra izan da.

Gaur egun, egon, Probintzia lehen bestean zabal dago lurraldez; holan eta guzti, Kolonbia eten egiten da, Probintziaorde barri bat sortuz.

Gaur egun, Euskal Herriko eta Galiziako erlijiosoak danak batera jota, 73 gara, eta beste 79 Perun, Puerto Ricon eta Dominikar Errepublikan zabalduta dagoz.

Baina...Historiak aurrera darrai...

...zeuri eskeintzen deutsugu.